Imphal, June 26, 2025: Security Forces khan Manipur te. Khobor khan pai kina Bisarea laga operation toh suru kurishe koishe. Etu toh State laga Sensitive Jaga khan te. Yete June 24 din te. Taikhan Ekta KCP laga Group member ke durishe koishe.
Etu arrest kurea manu toh Mutum Manaocha Singh ase koishe. Tai toh 44 saal ase. Aru Tronglaobi Makha Leikai te thakhea manu ase koishe. Taike Loktak Lake laga Floating Huts para durishe koishe. Etu toh Champu Khangpok laga osor para durishe koishe. Bishnupur District te.
Tai laga haat para Security khan 9mm Pistol aru ekta Magazine, 9mm laga guli khan bi paishe. Arubi blankets, gas stove, table fan, pressure cooker aru plates khan bi paishe koishe. Aru hudea pichete, etu manu laga haat te banduk khan bi thakhishe koishe Nachou Awang Leikai te. Yete MA-1 Rifle aru 3da Magazine, 5.56 mm laga 31 guli aru duita SMG Carbines aru duita Magazine bi paishe koishe.
Add Comment