Imphal, June 27, 2025: Officials khan para Friday din te janai dishe ki. Security Forces khan para yete Charjun ke arrest kurishe koishe. Aru yete ekjun toh banduk laga dealer ase koishe. Etu toh Mili kina Manipur laga Imphal East, Imphal West aru Toubal District te Operation kurishe koishe.
Thursday din te. Police khan para Md. Helan (25) ke arrest kurishe koishe Thoubal Distrct para. Tai toh Mayang Imphal te banduk para damki dikhai thakhishe koishe. Police khan para ,32 Caliber Pistol aru charta guli paishekoishe.
Aru alak operation te. Security Forces khan para 3da manu ke arrest urishe koishe. Shandham Romen Singh (37) toh KCP laga group member ase koishe. Taike Imphal West District laga Wangoi para durishe. Taibi manu ke damki dikina poisa mangi thakhishe koishe. Aru etu eki din te Police khan para Loukrakpam Premi Devi (43) ke arrest kurishe. Tai toh RPF/PLA laga Group member ase. Taike Singjamei jaga para durishe. Etu maiki toh Lamphel Deputy Commissioner laga Office khan ke damki dikina poisa mangi thakhishe koishe.
Wednesday di te. Police khan para Thangjam Puremba Singh (26) ke arrest kurishe. Tai toh PREPAK laga group member ase koishe. Taike tai nijor laga ghor Imphal East District para durishe koishe.
Add Comment