Agencies: Sunday Guwahati te huwa 2nd ASEAN-India Youth Summit te Assam industry and act east affairs minister Chandra Mohan Patowary toh ‘Physical Connectivity’ laga panel session attend kurishe.
Topic opor te ekdam bhal para bhabana kuri kena Minister Patowary para Assam laga bishi geographical aro historical advantages khan laga kotha kurishe. Etu toh South East Connectivity laga kotha mon te rakhi kena koishe.India laga sob para zaruri metropolitan cities te Guwahati toh ASEAN desh te physical proximity ase. ASEAN desh logote Assam history te trade aro connectivity links thakishe. Hoile bhi India independence pichete trade aro connectivity links toh biya hoi jaishe. Hoile bhi Act East Policy, Assam aro North East toh tai nijor ke reposition kuri kena ASEAN region laga centre banai dishe.
Minister Patowary toh aro Government of Assam para South East Asia logote physical connectivity banabole laga nkosis laga kotha kurishe. UDAN scheme nichete, etu saal laga olop moina bhitor te Guwahati aro Dhaka aro Bangkok jabole flights suru hubole ase koishe. LGBI Airport toh etiya notun terminal banai kena upgrade kuri ase. Rasta hesab te Asian Trilateral Highway, Sadia-Dhola Bridge aro Bogibeel Bridge para connectivity scenario te bishi modot dibole ase. Tai para ASEAN logote NE region laga pani linkage laga kotha bhi kurishe.
Manipur Chief Minister N Biren Singh koishe state toh kosis kurishe hoile bhi kaam toh pura kuribole para nai. Aro etu nimite tai youth khan ke NER toh ASEAN region logote partnership kuribole koishe. Etu para state te progress aro prosperity hubo koishe.
Vietnam Ambassador to India Pham Sanh Chau aro Research aro Information System for Developing Countries laga Director-General Sachin Chaturvedi bhi etu panel laga discussion te participate kurishe. Aro NE region aro ASEAN laga physical cconnectivity opor te kotha kurishe.
Add Comment