IMPHAL | February 1: Wednesday raati pora shuru korikena 24-hour strike thakiya samoy te Prime Minister Narendra Modi laga putla ke city laga aalag-aalag jakka te Thursday te jolaise aro Manipur laga Yairipok, Thoubal district te putla ke faasi koribole kosish koriya te police pora rukhai dise.
66 civil societies laga ekta Committee pora strike toh pura state te Citizenship (Amendment) Bill, 2019 logote khilaf maatise.
Modi laga putla toh Imphal West laga Uripok aro Thangmeiband te jolaise. Thangmeiband te, tai laga putla logote chief minister N. Biren Singh laga putla bi jolaise. Biren Singh laga putla toh Imphal East laga Khurai te bi jolaise.
Yate aro state laga aalag jakka te konoba groups khan pora rasta bondh korise. Bohi kena protest toh state laga aalag-aalag jakka te thakise. Business establishments, banks, educational institutions aro road transport khan sob strike howa nimite bondh hoise.
Protestors khan deputy chief minister Y. Joykumar laga ghor te bi joborjosti khosibole kosish korise. Police pora, hoilebi tai khan ke Joykumar laga ghor laga gate pora rukhai dise. Tai pora protestors khan logote olop thakiye kena logpaise.
Joykumar, National People’s Party (NPP) laga vice-president, pora protesters khan ke koise ki tai khan laga party aro aalag regional parties khan etu Bill logote khilaaf ase. Tai khan ke bi etu koise ki juti Opposition parties pora etu Bill ke Rajya Sabha te rukhaise koile, etu Bill toh pass nahobo pare kile koile Upper House te tai khan laga majority ase.
Tai pora koise ki NPP aro northeast laga aalag regional parties khan Tuesday te etu Bill nimite convention thakise. “Etu Bill Rajya Sabha te na aniya aage te Modi logote logpabo karne fesla loise,” Joykumar pora koise.
Wednesday saam te, manu khan etu bill logote khilaaf, state laga aalag-aalag jakka te torch rallies thakise.
Add Comment