Guwahati, November 14 : Assam laga Dibrugarh district laga ekta police team ke Monday rati te ekta gambler khan laga group para hamla kurisey.
Reports hisap te, etu ghotna tu Monday rati te, Dibrugarh laga Jerai koikina ekta jag ate hoisey.
Bindhakata Police Patrol Post laga ekta team para Jerai jaga laga Kali Temple area osor te gambling kora laga ekta adda thaka laga jankari paisiley.
Jankari pa hisap te, police laga team para tatey check kuribole jaisey.
Taikhan para etu janibole parisey ki tatey bisi manu khan jama hoikina dice chola laga gambling game khili thakisey.
Taikhan majotey ekjun para police team ke hamla kurisey aro baki manu khan ke bi enaka kuribole koisey.
Ekta police source para koisey ki etu patrol post laga incharge ke bi bhir khan para hamla kurisey aro patrolling kora gari bi barbad hoijaisey.
Police para etya ekta investigation suru kurisey aro etu case te sob mujrim ke bisarikina olabole kosis kuri asey.
Add Comment