Guwahati, October 18 : Assam police para Morigaon district para duijun manu ke ekta rajya para dusra rajya te manu khan ke bikri kora laga dhanda te shamil thaka laga iljam te arrest kurisye.
Police para kuwa hisap te, etu duijn arrest huwa manu laga naam tu Babul Ali aro Basir Ahmed asey aro taikhan duijin bi Assam laga Morigaon district laga manu asey.
Etu duijun ke arrest kora laga operation te, Tezpur para duijn minor(18 years para komti thaka) chukri ke bachaisey.
Etu duijun mujrim para etu duijn minor chukri ke bikri kuridibole laga bhabna para rajya laga bahar te loijai thakisey.
Taikhan ke etya ekta suraksit jag ate rakhikina asey aro taikhan trauma te thakibo parey koikina taikhan laga ilaj kuri asey.
Police para koisey ki etu ghotna ke etya investigate kuri asey aro etu duijun minor ke joldi taikhna laga ghor te pathaidibo.
Etu mujrim khan ke etu duijun minor chukri ke bikri kuribole kosis kora laga mamla te aro detail jankari pabole nimitey sawal kuribole asey.
Add Comment