Agencies: Dhaka te dhakiya 5th South Asian Karate Championship te Meghalaya karateka Wandahunshisha Mawblei aro Assam Rifles’ Rfwn Vanshika Tanwar pora gold chitise.
Wandahunshisha Mawblei pora Meghalaya aro country ke Girls Cadet Individual Kumite laga 54 kg te gold medal chiti kena nam tangor anidise.
5th South Asian Karate Championship 2019 te tai pora tai laga Sri Lanka opponent ke harai dise.
Wandahunshisha ke tai laga kamiyab karne Meghalaya chief minister Conrad K Sangma pora congratulate kurise.
Wandahunshisha aro assistant coach, Donboklang Lyngdoh duijun dhakiya laga noksa Shar kuri kena, Conrad pora tweet kurise: “5th South Asian Karate Championship te Gold chitiya karne Wandahunshisha Mawblei ke congratulation.”
Championship te Rfwn Vanshika Tanwar pora gold chitiya janai diya somoy te, Assam Rifles laga Twitter handle te koise: “Assam Rifles laga Rfwn Vanshika Tanwar pora Dhaka te dhakiya 5th South Asian Karate Championship te Gold Medal chitise aro Six South East Asian Nations laga sportspersons khan participate kurise .” Friday te championship laga Cadet (14-15years) Female Individual Kata event te Assam laga Ishita Kashyap pora silver medal chitise.
KAI Junior National laga gold medalist Ishita pora Asian Junior Karate, 2019 Malaysia April mohina te India laga represent kurise aro 11th World Cadet Junior and U-21 Karate Santiago, Chile October mohina te bhi India laga represent kurise.
United Karate-Do Association, Assam (UKAA) pora Ishita ke tai laga kamiyabd karne congratulate kurise.
Teen din laga karate championship Saturday te khotam hoise.
Panchta country te pora 245 players – India, Nepal, Sri Lanka, Bhutan aro Bangladesh – khan etu 60 events laga alak alak categories – cadet, junior, U-21 aro senior –tournament te participate kurise.
Add Comment