Sikkim: Jammu te dhakiya 44th National Powerlifting Championship te pora Sikkimlaga duita powerlifters pora gold medals chiti kena ahise.
Asal Rai aro Tashi Gyatso Lachungpa duijun pora taijun nijor laga category te ekta ekta gold medal Sikkim karne chiti kena ahise.
100 kg category te Asal Rai pora gold medal chitise.
Rai pora total weight 500 kg odhaise aro Tashi Gyatso pora 82.5 kg category te 525 kg odhai kena gold medal chitise.
Sikkim [BBPLAS] team laga duidin member Body Building & Power Lifting Association logot champion laga team manager karne Yogesh Rai dhakise.
Saturday Gangtok te press conference dhakiya somoy te, BBPLAS president Kala Rai pora duita lifters ke gold chiti kena state te national championship nam tangor ani diya karne congratulate kurise.
Tai pora koise ki etu duijun pora national level te nam tangor anidiya pora state te dhakiya lifter youth khan karne mon tangor aro rasta khuli dibo.
BBPLAS general secretary Pema WD Bhutia pora koise duijun pora kamiyab toh association aro state karne ektam tangor kodha ase.
Tai pora koise ki association khan pora national level championship te Sikkim te pora participant bodhai dhakise aro state te bodybuilding aro powerlifting khan le alak alak activities pora promote kuri dhakise.
Tai pora etu bhi koise ki BBPLAS khan pora etu bar December mohina te state level bodybuilding championship organize kuribole karne plan kukri ase.
BBPLAS vice-president Yogesh Rai, team manager pora janai dise ki championship te 10 states te pora lifter participate kurise.
Add Comment