Assam Rifles Para Anti- Drug Campaign Conduct Kurishey, Jorhat, Assam Tey

December 06, 2023 :  Ekta anti- drug campaign laga part thaki kena, Assam Rifles para Miss Nagaland 2022- Hikali Achumi logotey, Miss Assam 2023 – Anamika Borah, aru Kripa Foundation logotey collaborate kuri kena, Anti- Drug Campaign conduct kurishey, Assam State laga Jorhat laga Assam Agricultural University laga Auditorium tey, 04^th December 2023 tey. Itu occasion tey Chief Guest toh Deputy Inspector General Assam Rifles, HQ 25 Sector Brigadier Swarn Singh, Vishisht Seva Medal thakishey koishey, tai para Assam Rifles laga role toh highlight kurishey, Drug laga menace toh  rukhaboley.  Tai laga insightful speech tey, tai para underline kurishey itu Community khan  aru alag alag agency khan laga close cooperation laga importance  opor tey, itu issue opor tey fight kuriboley karney. Itu logotey add kuri kena, Miss Nagaland 2022 – Hikali Achumi aru Miss Assam – Anamika Borah 2023 para bhi valuable insight khan share kurishey aru Assam Rifles para effort khan dhala opor tey appreciate kurishey, itu Drug Abuse ke combat kuriboley karney.  Candle March bhi conduct kurishey koishey, itu event laga homoi tey. Tatey pura puri 630 participants khan ahishey, itu event tey, students khan aru civil dignitary khan milai kena, Jorhat laga, itu event tey attend kuri kena. Itu event tey toh hoiley Bihu Dance Performance, Assam Rifles Public School Band para Musical Performance  thakishey, koishey. Advocate Ankan Kishor Baruah para toh hoiley speech deliver kurishey, legal implication opor tey, Drug Abuse laga. Itu event toh hoiley, pledge loi kena hoa pichetey khotom hoishey, Anti- Drug abuse opor tey, sob attendees khan para.