December 8, 2023: Ongoing Hornbill festival laka nam deh Kohima village laka Tsutunuomia Khel para traditional Tsutuo Kharu (Gate) pulling ceremony organized kuri shae. Event tho mehulietsa deh shuru kuri shae aro Seithogei, Kohima deh lui shae. His excellency Javier Paulinich Ambassador of Peru to India para event hot grace kuri shae Chief Minister of Nagaland, Neiphiu Rio lokot deh. Minister of higher Education and Tourism Temjun Imna along tho etu event laka co-host taki shae.
Chief Minster Neiphiu Rio para Tsutuonumia Khel keh thanks kui shae taike Gate Pulling ceremony laka host bana karne. Tai para alak 25 bosti kan keh b thanks kui shae Gat Pulling Ceremony deh part lua karne. Enaka nishi nah event tho khali reflect he nakuri nah mukan laka rich culture aro tradition b dikai deh visiting tourist aro guest kan keh.
Hotai sal, ekta Jubilee nahoi leh ekta Gate pulling programme organized kureh Hornbill festival laka nam deh. Rio para mukan laka rich culture aro tradition kuto mukan laka forefathers para pai shae, etu kiman zaruri ase, etu laka kotha kuri shae.
Tsutuonuomia Gate kuto Seithogei laka National Highway deh uthai nah ase, etu tho “Welcome aro Hospitality” laka sign ase Kohima bisit kura manu kan karne.
Tai para Tsutuonuomia Khel keh b thank you kui shae State government laka nam para, taikan enaka eman bhal event organize kura karne.
Event time deh, Chief Minister p[ara unity stones tho unveil kuri shae kuto Nagaland laka 16 district keh depict kureh tribes majo deh peace aro unity promote kuri bo karne. Unity stones lokot deh, Tsutuo Kharu Monolith b Chief Guest, Paulinick para unveil kuri shae.
Vote of thanks tho General Secretary of Tsutuonuomia Khel Council, Er.Thepfuzakie Suohu para deliver kuri shae. Alak alak cultural groups aro manu kan para presentation di kina event tho kotom hui jai shae
Add Comment