GUWAHATI: Assam te 24 gonda pithor 1,276 notun positive cases thurishe aro Covid-19 bemar para 21 jun aro morishe koishe. Etu khobor toh Assam chief minister Himanta Biswa Sarma para Wednesday saam te janaishe. Etu notun cases thura toh 1,12,332 tests lowa te thura ase koishe. Assam chief minister para koishe ke, state laga positivity percentage toh Wednesday din dak te 1.14% hoikena ase koishe. Notun cases pithor te Kamrup Metro district te 161 cases khobor paishe. Wednesday din 100 manuh kaun puila Covid-19 bemar thakishe bemar bhal hoishe koishe. State laga recovery rate toh 96.50% te ase, koikena chief minister Sarma para janaishe. “Summary of 28/7/2021 – Today’s Total 1276; Overall Positivity Percentage (1276 cases out of 1,12,332 test done = 1.14%); Kamrup(M) 161; Death 21; Recovery Rate 96.50%,” chief minister Sarma para etu khobor toh aro janaishe. Wednesday saam dak India te Covid19 vaccine doses toh 44.61 crore thikena ase aro etu Nationwide Vaccination Drive pithor te kam kora ase. India te sob melaikena 3,06,63,147 manuh bemar bhal hoikena ase. Desh laga recovery rate toh itya 97.39% te ase. Sob melaikena 24 gonda pithor 41,67 bemari bhal hoishe. India te sob melaikena 24 gonda samai 43,654 notun cases thurishe, koikena Union health ministry data para janaishe. India laga active caseload toh itya 3,99,436 te ase aro active cases toh 1.27% te ase. Hafta pura te positivity rate toh 2.36%. te ase. Hotai din laga positivity rate toh 2.51% te ase aro 5% neji te ase koikena Union health ministry para koishe.
