Assam te 13,000 mini food parks bonabo ase

May 30, 2021. Centre para Assam te 13,000 mini food parks bonaboli bapana kori ase, koikena Saturday din state Industries & Commerce Minister Chandra Mohan Patowary para janaishe. Patowary para officials logot mini food parks bonabo nemite bhal jaga persaribe koishe. Tai aro koishe, state’s Gross Domestic Product (GDP) te industry sector para 39 per cent motob thiboli janaishe. “itya covid bemar halat samai, GMs laga kam toh melikena industries aro tea gardens te Covid-19 SOPs (Standard Operating Procedures) neum jolaikena kam koriboli laki,” tai para virtually para meeting samai koishe. State te oxygen laki thaka nemite, Minister para nejor district te GMs logot oxygen production units aro pharmaceutical plants nemite saman aha-jowa koribo nemite saboli janaishe. Patowary para koishe ke, GMs para Deputy Commissioners logot melikena sob districts te additional industrial estates nemite land allotment thiboli koishe. Tai aro koishe ke, Dhemaji district te sobse tangor industrial development echa ase etu para Bogibeel Bridge te connectivity toh improved korikena Dhemaji DICC laga GM logot district te industrial estate toh 1,000 bigha te bonaboli janaishe. Patowary para aro GMs logot industries aro tea factories visit korikena issues thakile kotom korikena Covid bemari samai industry bondh nahoboli laki koishe. Industry Department aro Flipkart pithor te MoU thaka hesab te, Minister para GMs logot weavers, artisans aro craftsmen khan ke e-commerce platform te anikena national market te kam koriboli thiboli koishe. Assam government laga official statement te koishe, India’s homegrown e-commerce marketplace Flipkart para Saturday din Assamese language toh tai khan laga platform te introduce koriboli junaishe. Itya Flipkart app te Assamese jarikena dosura 9 Indian languages –Hindi, Tamil, Telugu, Kannada, Marathi, Bengali, Gujarati aro Odia, ase koikena  statement te janaishe.