Manipur te COVID curfew aro 7 din othaishe

May 29, 2021. Manipur Government para State laga 7 district te COVID curfew toh aro 14 (fourteen) din nemite othai thishe koishe. Manipur districts te COVID curfew othai deya jaga toh- Imphal East, Imphal West, Bishnupur, Thoubal, Kakching, Churachandpur and Ukhrul ase. Manipur te 7 districts te curfew toh June 11 darik dak othaishe, etu samai konuba extra kam koriboli manishe”. Etu district te local vegetable bazaar toh kali tin(3) gonda nemite 7am para 10am dak May 30 darik, June 2 darik, June 5 darik aro June 8 darik te kuliboli thibo koishe. Ekta jaga te tinta(3) dunkan thaka pithor te kali ekta(1) dukan toh kuliboli thibo aro etu rotation hesab te pujur 7am para 10 am dak 30/05/2021, 02/06/2021, 05,06/2021 aro 08/06/2021 din te kulibo, koikena Manipur Government para notification te janaishe. “secretariat offices toh 01/06/2021 daik para e-office aro physical attendance 15% staff pithor te kam kora soruh koribo. Etu oper te Directorate offices te 01/06/2021 darik para physical attendance 15% pithor te Covid-19 hoshari neum thakina kam toh soruh hobo,” koikena notification te aro janaishe. Etu samai, Manipur State te COVID-19 bemar halat toh besi beya jai ase koishe. Friday din Manipur State te sob melaikena 732 notun positive cases thurishe aro 13 manuh bemari para morishe koishe. Etu notun 13 jun mora nemite Manipur te COVID-19 bemar para 761 manuh morikena ase. Etu oper State te active cases toh 7602 te othikena ase koishe.