GUWAHATI | February 27: Etiya juli thakiya class 10 laga HSLC examination te 74 jun students ke cheat koriya nimite Assam laga Hailakandi district te exams pora bahar kori dise.
Inspector of Schools, Rajiv Kumar Jha pora khobor korise ki examination laga samoy te 74 students ke olai dise, 23 students ke Social Science exam samoy te olai dise, 19 jun General Mathematics te, 15 jun ke English te, 13 jun ke General Science te aro jar jun ke Assamese te.
Tai pora koise ki 620 nisina absentees thakise.
Tweijun invigilators ke bi duty thik pora nakoriya nimite tai jun laga karan kobo nimite koise.
District administration pora etu nisina galdi kam koriya pora rukhaibo nimite konoba kadam loise, tate flying squads, supervising officers bonaise aro examination centres laga 200-metre radius te Section 144 Criminal Procedure Code (CRPC) lagaise, tate panchjun pora opor manu jamma koribole naparibo, Jha pora koise.
Etu HSLC examinations toh pura district te 16 examination centres te loi ase.
Add Comment