IMPHAL, February 27: Manipur police pora etiya tak 79 Rohingyas kha ke state laga bithor te thik travels documents nathakikena khusiya nimite thurise, Chief Minister N. Biren pora Wednesday te koise.
Biren pora Manipur Assembly te Congress MLA K. Ranjit pora sawal koriya ke jawab diye kena kotha kori thakise.
Thuriya Rohingyas majote twenty seven jun toh etiya tak Foreigners’ Act kanun laga nijete pora jail laga bithor te sajaa paikena ase aro aalag khan toh olai dise, tai pora khobor korise.
Biren pora koise, “Tai khan (Rohingyas) Manipur te Moreh town pora loikena Myanmar pora khusi se aro Jiri town pora loikena aalag northeast states khan pora bi khusi se. Moi khan pora police khan ke Rohingyas khan ke thuribo nimite securities toh aro kara koribole aadesh dise.”
Tai pora koise ki Manipur government pora Central government ke National Register of Citizens toh Assam te haliya nisina state te bi halibo karne hothi saise. Etu pora police khan ke foreigners khan jini kena thuribole modot koribo, tai pora koise.
Rohingyas khan ke thuriya toh 2012 te shuru korise, etu samoy te 32 Rohingyas khan ke thurise aro 36 foreigners khan ke 2018 te thurise.
Add Comment