GUWAHATI | March 28: Assam te Lok Sabha election nimite Bharatiya Janata Party (BJP) toh tai khan laga party candidates khan karne campaign shuru koribole pura dayar ase.
Party president Amit Shah pora tweita election rally kotha koribo– ekta toh ally AGP nimite Kaliabor constituency te aro dusra wala toh party candidate Topon Kumar Gogoi nimite Jorhat constituency laga Teok te.
Prime Minister Narendra Modi toh tai khan laga tweita party candidates– Pallab Lochan Das (Tezpur) aro Rameswar Teli (Moran) – nimite Saturday te campaign koribole ase. Etu tweijun dangor BJP leaders ahiya toh state te 14 Lok Sabha seats nimite ekdam dagra campaign howa dekhibo. Election toh teenta phase pora April 11, 18 aro 23 te thakibo.
NEDA convener aro state finance minister Himanta Biswa Sarma aro BJP laga national secretary Mahendra Singh, kono toh Assam te party laga in charge ase pora Wednesday te Gohpur aro Moran te Modi laga tweita rally nimite dayari shuru korise.
Modi toh Silchar aro Karimganj te party laga candidates nimite campaign koribole April 6 te ahibo. Lower Assam laga jakka te panchta constituencies ase aro tate election toh teenta wala phase te April 23 te thakibo.
Add Comment