GANGTOK | March 28: Tuesday te, sob milaikena seventy one candidates pora tai khan laga nomination papers laga scrutiny process(candidate logote kiman poisa aro dhan ase, etu ke jaach koriya) bar korise. Etu jaach koriya kam toh 12 Assembly constituencies, East Sikkim aro ekta Sanga seat nimite Returning Officers Kapil Meena aro Bharani Kumar pora East DAC, Sichey te korise.
Ekta IPR release pora khobor korise ki nominations khan ke General Observers Pankaj Agarwal, Mousumi Chattaraj Chaudhuri, Ameya Abhyankar aro B. Ram Sashtri khan mojut thakikena examine korise.
Ekta Lok Sabha seats nimite 11 candidates khan laga nomination papers ke bi scrutiny process samoy te maanise.
Ruling SDF aro main opposition SKM party toh sob 12 Assembly seats, ekta Sangha seat aro ekta Lok Sabha seat te khara koribole ase. Aalag parties khan kono pora tai khan laga candidates laga naam dise, etu khan toh Hamro Sikkim Party, BJP, Congress, Sikkim Progressive Alliance aro Sikkim Republican Party logote independents khan ase.
Candidature pora olai jabo laga akhiri direk toh March 28 te 3 pm tak ase etu bicchete independent candidates khan nimite symbol juniya shuru koribole ase.
Add Comment