IMPHAL, March 28: JINMS hospital pora KCP (Nando) laga ekdam khatarnak commander Thokchom Nando alias Nanao bolai jowa bicchete Wednesday te police pora Imphal East district pura bisari se, police pora koise. Sepahi khan logote milikena State police pora tai nathuriya aagete kam kori thakiya jakka khan te search operations korise.
Thokchom Nando Singh toh Tuesday te JNIMS hospital, Porompat laga male ortho ward pora bolai se. Etu operation toh besi bhag Keibi aro etu laga osor te Imphal East district laga Lamlai police station nijete thakiya bosti khan aro osor laga pahari jongol khan te korise.
Etu samoy te, ekjun assistant sub-inspector milaikena jarta police ke tai khan laga kam pora suspend kori dise. ASI Lienlalzom Singson logote milaikena constables M Washington Seiyao, Thangsha Mekham Maring aro Kh Naobi Singh khan ke Imphal East SP pora Tuesday te diya aadesh laga hisab pora suspension dise, ekta official khobor pora koise.
Add Comment