Austin Dillion para NASCAR cup playoff tu ekta redemptive victory paise Richmond te

USA, 17 August 2025: Austin Dillon Richmond Raceway te jit paise aro NASCAR Cup Series playoffs te nischoy para jaga loi she. Etu tu dui bar consecutive Richmond te jit paise. Previous year te final lap te driver ke wreck kura karone taike playoffs para disqualify kuri dise, aro etia tu taike clean run para jit paise, 400 lap para 107 lap lead kuri de she. Strategy laga hisap te taike pit stop 4 lap age kuri, Ryan Blaney ke para advantage loi kena finish te dominate kuri dise. Dillon 2.471 second difference para Alex Bowman upor te win kuri, Blaney third te finish kuri, followed by Joey Logano aro Austin Cindric. Etu Dillon laga 6th career win hoise aru etu para 14th driver banise je playoffs field te lock hoise. Regular season tu etu Saturday Daytona International Speedway te finish hobo, aro last 2 playoff spot confirm hobo. Chase Elliott, 2020 Cup champion, Richmond te last te finish kuri de she ,accident te Kyle Busch para hit paise. Atlanta tu June month te win kuri bole pari bo, Elliott tu bishi struggle kuri ase, last 7 race para 5 ta te top 10 bahar te finish hoise. Richmond Raceway announce kuri dise 2008 para first sellout, tu etia seating capacity 50,000 nicha te nami jai she, last time tu 112,000 seat sell out kuri thaki she. Local driver Denny Hamlin para koise ke ekbar sellout hoile aro short track racing improve hoile Richmond duti race bhi pabo. Rookie Shane van Gisbergen 27th para start kuri, kena qualifying te wall hit kura para bhi impressive 14th finish paise. New Zealand driver koise ke short track te bishi comfortable hoise, kintu senior driver khan laga lap study kuri kena improve kuribo try kuri she.