New Delhi, April 24 : Ayushman Khurrana tu Bollywood industry te ekta sobsey bisi celebrated actor majotey asey. Jaija olop saal te, etu actor laga Vicky Donor, Dream Girl Article 15 aro dusra film hit hoisey. Etya, ekta nutun report olaisey ki Ayushman tu Karan Johar laga spy film te thakibole asey. Etu actor tu Karan Johar para chola Dharma production logotey tailaga first project nimitey tayari kuri asey. Ayushmann aro Karan Johar ekta film nimitey eksath kaam kora tu etu first time asey.
Report hisap te, etu film ke Aakash Kaushik para direct kuribole asey. Karan aro Guneet tu etu ke loikina bisi khusi asey kilemaney etu film laga script bi bhal para shaped up hoisey. Etu film laga script te ekta commercial film te ki thakibo lagey etu sob asey, Thrill, action aro bisi comedy. Aro Karan, Guneet aro Aakash ke lagi asey ki Ayushmann Khurrana tu etu film laga main role laga character nimitey thik asey.
Add Comment