Agencies:Police koishe Maryland te egaro (11) saal laga chukuri khilaf te police par charges lagaishe. Khobor hesab te first-degree ek-saal laga bacha khilaf te abuse kura nimite bacha toh muri jaishe. Etu egaro (11) saal laga chukuri ke ek-saal bacha sabole nimite chari kena thakishe.
Prince George laga County police para arrest huwa chukuri laga naam toh etiya tok diya nai. Kile mane tai ke juvenile hesab te police charges lagaishe. Hoile bhi police khan koishe victim toh Paxton Davis thakishe. Aro tai toh Washington jaga te thakishe .
Police koishe charges lagai kena thaka chukuri toh juvenile detention facility te rakhi kena ase.
County police koishe ek-saal chokora laga ama para bacha ke etu egaro (11) saal churkuri laga adult members khan laga haat te rakhi de kena thakishe. Etu egaro (11) saal chukuri khan toh Suitland, Maryland te thake. Etu family toh Paxton laga family logote ekdam friendly thakishe. Aro dusra din te bhi tai khan bacha ke tai khan laga ghor te rakhishe.
Prince George’s County police laga Criminal Investigation Division laga commander Maj. Brian Reilly koishe ghor te etu ek-saal laga bacha opor te dangor khan para rati te thik para he supervise kuri kena thakishe.
Reilly koishe usra fusur te chukuri laga ama bahar ja samay te Paxton ke etu chukuri laga care te chari kena jaishe. Police koishe etu samay te he assault toh hoishe.
Reilly koishe bacha sabole laga kotha toh ekdam innocent friendly agreement he thakishe hoile bhi etu ekdam tragic te bodoli hoi jaishe.
Add Comment