DHAKA: Thursday din Bangladesh te thaka bishi ucha building te jui lagi kena manu murija khan laga ginti toh 25 te uthishe. Etu ginti (count) te building para jump mari kena mura manu khan bhi melai kena ase. Etu toh ketiya firefighters khan juli kena thaka building te chanbin kurishe etu samay te etu lash khan toh paishe.
Sources koishe ke Dhaka te thaka 22 storey building te Friday din te jui laga nimite ekdam bishi manu khan fasi kena thakishe. Police koishe ke tai khan toh pucchtach nimite building laga malik khan ke kotha kuribole echa ase koishe.
Officials koishe ke komti hoile bhi choita manu murishe aro etu te ekta Sri Lankan manu bhi murishe.
Senior fire service official Mohsin Ali para AFP ke koishe ke bachabole kosis kura manu khan toh sob para biya para affect hoi kena thaka aath aro dos floor te he bishi mon de ase.
Fire department toh suru te manu murija laga ginti toh 19 te rakhishe Hoile bhi police para Friday din te koishe ke choita manu toh jui para muri jai kena he thakishe.
Add Comment