Dimapur, September 5: Tuesday din Tetso College Arena badminton stadium jaga de first Badminton Legends Institutional Cup toh 11 institutions logode hesha lowah thakise. Etu even de Kingsports Dimapur pora sponsored kora ase. Tati khelari khan toh state khelari aro amateur teams mix thaki kena khela thakise. Institution khan toh Fazl Ali College, SM College Dimapur, Diphu Government College, Christian Higher Secondary School, Delhi Public School, Dimapur, St. Xavier College, ICFAI University St Johns College, Japfu Christian College aro Tetso College thakise. Men’s singles de first Lothu Tetso College pora lowah thakise aro 2nd de Langpai, St. Johns College pora lowah thakise. Women’s Singles de, first Watinaro, Fazl Ali College pora lowah thakise aro 2nd de Yashikala, SM College pora lowah thakise. Men’s Doubles de first Zuchopemo & Manshen, Tetso College pora lowah thakise aro 2nd de Lanu & Aro, Fazl Ali College pora lowah thakise. Women’s Doubles de first Ajung & Heizile ICFAI University pora lowah thakise aro 2nd toh Iteibamla & Kevino Tetso College pora lowah thakise.
Add Comment