USA de daiyar koribo pari: Amit Panghal

Agencies, 5 September: Asian Games gold medal jeta boxer Amit Panghal pora Wednesday din janaideya hesab de, tai Indian Army’s assistance logode USA de training jabo pari koise. Tai Olympic medal de 52kg category karni daiyar kori thakibole jabo pari. Etu moina 22-sal khelari porea 49kg category gold jeta thakise. Tai Asiad gold logode India laga ekala eight boxer howah thakise. Hoilebe kotha honi thaga hesab de Olympics de besi maike annibo karni 49kg category toh nathakibo nesana ase. Pangal toh weight pora othibole manise. Indian Army pora felicitation programme organise kora time de Panghal pora PTI logode janaideya toh, Asian Games de tai 49kg category toh last khela laga ase koise. Aro tai etya Tokyo Olympics nemide sai ase aro etu karni tai 52kg category de kushibole ase koise. Weight othai thaga toh eman phhal nai koise aro dangor challenge de weight adjust koribo lagibo koise.