March 27, 2024: Tuesday din US laka Baltimore city deh ekta cargo ship power hari nah ekta major bridge keh lakai di shae. Lakai dia tho bridge bangi nah giri jai shae. Etu hua piche deh choitha manu hari jai nah taki shae aro utu kan muri jai shae kui nah papi lui shae, officials kan para kui shae.
Colonel Roland L Butler Jr., superintendent for Maryland State police para emergency wokers kan utu choitha manu kan karne search operation tho rukai di bole ase kui shae. Shipping company Maersk para Singapore-flagged container ship ‘Dali’ tho Baltimore bridge keh lakai di shae kui nah confirm kuri shae. Tai para lakai dia tho pura bridge girai di shae kui shae aro gari aro manu kan niche deh taka river deh giri jai shae kui shae.
“Etu search deh mukan time kiman pilai shae, etu laka isap deh manu kan itia b zinda taki bo kui nah bisas nai mukan,” news agency AP para Coast Guard Read Admiral Shannon Gilreath para kui shae. US President, Joe Biden para government kan Baltimore laka Franics Scott Key Bridge bana bole pura dam tho tera dibo kui shae.
Add Comment