March 27, 2024: Wednesday din deh Sri Lanka laka prime minister aro China laka Premier Li Qiang kan kotha kuri shae Beijing deh. Aro Sri Lanka laka PM para China kan island nation laka strategic deep sea port aro capital laka airport develop kuri bole pledge kuri shae kui shae.
Prime Minister Dinesh Gunawardena para China kan Sri Lanka aka external debt restructure kuri bole “assist” kuri bo kui shae. China tho Sri Lanka laka sobse dangor bilateral creditor ase. Debt restructuring deh Beijing laka position tho public kuri dia nai, hoile b Sri Lankan officials para China kan reluctant ase kui shae taikan laka loans deh ekta haircut lobo leh. Aro hoile b tenure tho extend kuri bo pari bo aro interet rates kan adjust kuri bole pari bo kui shae.
Sri Lanka kan 2022 sal deh foreign exchanges sukha hui jai shae essential imports finance kuri bole aro taikan laka $46 billion foreign debt deh ekta sovereign default declare kuri shae. Bishi mohina karne protest kura piche deh president Gotobaya Rajapaksa keh office para joborjost olai di shae.
Gunawardena laka office para Premier Li Qiang kasam kuri shae kui shae China kan Sri Lanka laka debt restructure kuri bole assist kuri bo kui nah. Gunawardena para Colombo International Airport aro Hambantota port develop kuri bo karne Beijing kan assistance offer kuri shae kui shae.
Add Comment