Agencies, 20 November: Tuesday din Dr Ambedkar Stadium jaga deh Bangladesh Krida Shiksha Prothishtan pora Subroto Cup International Football Tournament (Junior Boys category) laga 59th edition jeti loise. Etu din deh tai khan Amini School, Afghanistan logode 1-0 score pora jeta thakise. Habibur Rahman pora 11th minute time deh goal thali deya karni Bangladesh toh Under-17 school tournament jeti lowah thakise. Second half time deh Afghanistan khan eki-points bonaidebo karni counter attack be kora thakise. Hoilebe kon porabe goal thalibole napara thakise. Bangladesh Krida Shiksha Prothishtan pora be sub-junior (Under-14) Subroto Cup tournament toh 2016 deh jeta thakise. Air Chief Marshal BS Dhanoa be chief guest thaki kena prize money Bangladesh laga captin Krida Shiksha Prothishtan (BKSP) logode deya thakise. Govt Senior Secondary School, Namchi, Sikkim llaga Pranub Limboo logode best goalkeeper dese aro best player award toh Reliance Foundation School, Mumbai laga Mohammad Nemil logode deya thakise. Army Boys Sports Company, Banglore laga Rughu Kumar logode best coach award paise aro Fair Play Trophy toh Reliance Foundation School, Mumbai logode paise. Most Contributing School for Football laga award toh NNMHSS, Chelembra, Malappuram aro Kerala logode dese. Tournament deh sob meli kena 95 team hesha lowah thakise.
Bangladesh Krida Shiksha Prothistan jetise
