Mohan Bagan jetise Real Kashmir logode

Agencies, 20 November: Tuesday din TRC Polo Synthetic Turf Ground jaga deh, Mohan Bagan aro Real Kashmir toh I-league laga fifth match khela thakise. First half time deh tuita team laga khelari khan kon pora be goal thalibole napara thakise. Hoilebe Second half time deh Asier Pierrick Pipanda Dicka pora 69 minute time deh goal thala karni Mohan Bagan 1-0 score pora jetibole para thakise. Etu agae debe Mohan Bagan toh Indian Arrows logode 2-0 pora jeta thakise aro Aizawl FC  logode 2-2 draw howah thakise. Hoilebe Real Kashmir toh agae match time deh harikena ase. Tai khan NEROCA logode 2-0 pora harikena ase aro Minerva logode 1-0 pora jetikena ase. Table deh Chennai City top deh ase aro Mohan Bagan 2^nd jaga deh ase. Real Kashmir toh 8^th jaga deh ase. Mohan bagan toh next Churchill Brothers logode khelibole ase aro Real Kashmir toh Indian Arrows logode khelibole ase.