DIMAPUR,NOVEMBER 21, 2018: Government Higher Secondary School Nagarjan Dimapur laga Indoor Badminton Stadium 21st November te 4th Dimapur district Inter Departmental Sports meet 2018 shuru hoishe . Deputy Speaker Nagaland Legislative Assembly, Zhaleo Rio, kun pora etu meet toh shuru kurishe special guest thakikena tai pora Deputy Commissioner Dimapur, aro Sports Council Dimapur khan ke khushi janaishe etu sports meet laga 4th edition luwa nimete bishi bhal pora ato tai khan ke Government employees khan bhabona(mental preparedness) khan sabi koishe .Tai pora aro koishe gao khan thik thak thakile toh demak bi bhal thakibo. Zhaleo pora koishe paichance bi etu jai thakishe DC pora loikena employees khan Dimapur bithor competitive thakibo aro tai khan laga gao thik thakile toh dusra district khan laga employees khan ke bi harabole paribo.Etu occasion te special guest pora sob employees khan ke mondikena manu khan nimete kaam kuribi koikena janaishe .Aro koishe Dimapur toh alag district ekta ase gateway commercial hub aro Mini Nagaland laga naam pora janaa toh .tai pora DC aro sports council Dimapur ke koishe enika nishena kuri thakibi annual inter departmental sports week loikena aro koishe etu dangor dangor hoi thakibo.Special guest pora etu sports week te bhaagh luwa manu khan ke bhal pora khelbi koikena sports week toh khulidishe . Deputy commissioner Dimapur, Sushil Kumar Patel (IAS ) pora special invitee NGOs, players khan alag alag department aro well wishers khan aha nimete khushi janaishe . Dimapur district Badminton Association aro Dimapur district table tennis association pora short speech dishe . Miss Vituonuo Solo pora etu event te aha manu khan ke ganaa gaishe . Pastor; Zeme Baptist church Dimapur pora prathana kurishe .3rd din laga sports week te alag alag khel khan Football, Carom, Badminton, table tennis, tug of war aro field and track events khan lobole ase .
Dimapur District Departmental Sports Week shuru hoishe
Add Comment