October 29, 2023: Bangladesh skipper Shakib al Hasan para taila side Netherlands laka against 87 runs deh hara piche deh ekta frustrated figure kati di shae. Tai para etu tho Bangla Tigers laka sobse bia World Cup campaign ase enaka kb kui di shae. Etu match tho Eden Garden deh taki shae Saturday din deh.
“Apni etu tho Bangladesh laka sobse bia World Cup campaign ase b kubo pari bo aro mui gulti ase enaka b nakubo,” tai para ekta post match press conference deh kui shae team performance laka question huda time deh.
“Mukan etu tournament deh aha time deh prepare b taka nai hoile b mukan etu excuse tho chula bole napa ribo,” tai kui shae.
Tai para tho tai bowler lokot deh tho kushi deh ase kui shae hoile b fielding tho olop thik nai kui nah papi shae kui shae. “Mui lah papna deh tho mukan bowling bishi bhal para kuri shae hoile b fielding deh thik taka nai. Mukan laka position deh mukan taikan keh 160-170 deh restrict kuri bo pari taki shae,” tai kui shae.
Bangladesh, World Cup deh, etu taikan laka 5th successive defeat ase. Aro enaka hari taka tho taikan laka semifinal dreams hari jai shae.
Add Comment