India, 30 October : Indian cricket team toh Cricket World Cup 2023 dey ekta purple patch dey jai asey. Alag team khan upar dey dominate kurina, India have toh taikhan laga agey six matches jitishey. Itu jeet khan toh kunwa solid show dey uthishey itu Indian top order aro bowler khan para. Itia tak dey, Rohit Sharma aro Virat Kohli toh top two run-scorers thakishey Indian cricket team laga. Rohit Sharma para lead kuria laga Indian cricket team toh ekta semi-final berth karney taiyar thakia nishina dikhi asey taikhan itia form thakia hisab dey.
Former Indian cricket team opener Gautam Gambhir, who 2007 T20 Cricket World Cup aro 2011 ODI Cricket World Cup jitia laga side dey dangor impact thakishey, tai bishi impressed aset Rohit Sharma ladai kuria hisab toh.
“Leader – team logot para lagia cheez, tai nijor kuri lui. Tui laga teammates para tui positive batting lagey kuiley, tui itu nijor kuribo lagibo. Itu act – agey para lead kurina – tui itu nijor kuribo lagibo. Eku PR nahuiley marketing agency para tui karney itu kuribo naparibo,” Gautam Gambhir kuishey Start Sports dey.
Sunday dey, Rohit Sharma (87) India karney England khilaf Lucknow dey top score kurishey kitia team para 229/9 luishey. Itu piche dey, India para England ke khali 129 karbey dismiss kuri dishey.
“Rohit Sharma para itu kurishey. Run tally laga terms dey, tai No. 10 nahuiley No. 5 slot dey thakibo parey. Itu matter nakurey. Huilewi tui laga aim toh November 19 dey trophy jitiwoley asey. Tui faisla kuribo lagibo juti tui laga aim toh ekta 100 mariboley asey na World Cup jitiwoley asey. Jutu tui laga aim toh ekta ton mariboley asey, toh tui itu hisab dey khilibi. Huilewi tui laga aim toh World Cup jitiwoley asey kuiley, ekta selfless captain huwi, Rohit Sharma para bat kuria nishina, tai itu aro kuri thakiboley mui expect kuri asey.”
Add Comment