Saudi Arabia, 30 October : Bollywood aro football laga ekta epic crossover dey, India laga film industry superstar Salman Khan aro iconic footballer Cristiano Ronaldo eki same frame dey ahishey kitia taikhan ekta boxing event attend kuri thakishey Saudi Arabia dey. Salman aro Cristiano ke ekjun ekjun osor dey buhi thakia dikhi paishey kitia taikhan Francis Ngannou ke saishey. Kintu itia tak jaani paina juti Salman aro Ronaldo event laga sideline dey eku khota kuishey na nai, huilewi ekta video dey kuntu social media dey ulaishey, Cristiano toh Salman laga agey piraina jaa dikhi paishey great ‘Ronaldo de Nazario’ ke hug nakuria agey dey.
Ronaldo, ekta report dey janai dia toh, former UFC champion Ngannou laga ekta dangor fan asey. Kitia Ronaldo agey Saudi Arabia dey jaishey, tai aro Ngannou eku hotel dey buhishey, kutey itu Portuguese footballer para itu Cameroonian tai ke log pawoley hudishey.
“Muikhan Four Seasons Hotel dey buhi thakishey, kuntu utu time dey [Ronaldo] tatey buhi thakishey,” tai kuishey TNT Sports. “Muikhan tai laga Richie kuina ekta manu ke log paishey. [Tai kuishey:] ‘Actually, Cristiano toh Francis laga dangor fan ekta asey.’ Itu piche dey tai Cristiano ke madishey aro tai kuishey: ‘taikhan ke aniwi’ aro taikhan pool dey thakishey aro mui toh, mui upar dey jaa thakia homoi dey phabna kurishey: ‘itu manu mui logot dhamli khilia nahubi’.
“Toh muikhan tatey upar dey jaishey aro Cristiano ke dikhishey aro tai muikhan ke rukhi thakishey aro mui bishi astorit lagishey. Itu Cristiano asey, nahoi? Muikhan haat milaishey, muikhan ekjun ekjun ke greet kurishey, aro tai bishi cool thakishey, eki time dey familiar bhi thakishey.”
Tai halishey: “Tai muikhe mui laga khota khan kui thakishey aro kinika tai aro tai laga khantan, muike 4am dey ladai kuria sai. Mui phabi thakishey, tuike kun sai tui najaney. Mui astorit nalagibo juti tai muike najaney kuiley, huilewi tai muike bhaal para jaaney.”
Add Comment