DHAKA: Thursday din te Dhaka office block te dangor jui laga nimite panchta manu murishe aro dusra bishi manu khan building te fasi kena thaka khobor paishe. Etu ghatna toh Bangladesh laga capital te hoishe.
Officials koishe ke teenta manu khan toh jui lagi kena thaka unnis (19) floor building para jump kura nimite murishe aro dusra duita manu toh building bhitor te he jui lagi kena muri jaishe.
Media khobor kurishe ke building laga khirki (windows) para manu khan modot laga halala kuri thaka dekhishe. Aro kunba manu khan toh nijor ke building para niche namabole parishe. Khobor hesab te komti hoile bhi choita manu khan toh jui juyli thaka khirki (windows) para jump kuri thaka dekhishe.
United Hospital spokesman Sazzadur Rahman Shuvo para AFP ke koishe ke building laga opor floors khan para jump kura nimite teenta manu khan murishe. Dusra manu khan ntoh building para jump mara nimite math ate jokom lok paishe hoile bhi tai khan toh juli kena thaka nai.
Tai koishe ke komti hoile bhi dusra aatha manu khan ke hospital te treatment de ase.
Add Comment