DHAKA: Khobor hesab te Bangladeshi ama para doctors khan ke asorit kuri dishe. Bangladeshi ama toh poila premature bacha jonom kura 26 din pichete jurwa (twins) jonom dishe. Khobor hesab te twins bacha khan toh ekdam healthy ase koishe.
Bangladeshi ama laga naam toh Arifa Sultana ase. Tai laga umar toh bis (20) saal ase. Tai toh jua moina chokora ke normal delivery para jonom dishe Hoile bhi doctors khan toh dusra uterus thaka toh miss kuri de kena thakishe.
Gynaecologist Sheila Poddar para news agency AFP ke koishe ke tai toh najani kena thakishe ke etu ama toh aro bhi twins bhuki kena thakishe. 26 din pichete maiki laga path te thaka pani toh aro bhi bhangishe aro tai ke ami khan lag hospital te taratari loi kena anishe.
Jua Friday twins bacha khan kea ma laga path para bahar ulabole nimite emergency caesarean section te loi jaishe. Bangladeshi ama toh aro ekta chokora aro chukuri ke jonom dishe.
Add Comment