Bangladesh police para tuita(2) human trafficking rings pithor te 8 manuh ke thurishe

August 7, 2020. Bangladesh Rapid Action Battalion (RAB) aro Detective Branch (DB) para tuita(2) human trafficking rings pithor te ath(8) jun manuh Dhaka te alak-alak chaka para thurishe. Bangladesh Rapid Action Battalion (RAB) para press statement te koishe ke, Wednesday rati Dhaka laga Hatirjheel aro Paltan chaka te manuh khan je tuh thurishe. “ Detective Branch (DB) khan para Libyan national manuh Sameer Ahmed Omar Fara tuh besari ase aro tai tuh mastermind ase koikena statement te koishe. Khobor hesab te, June 6 darik te, 27 manuh logot Prevention of Human Trafficking and Anti-Terrorism Act pithor te case filed kurishe. Libyan national manuh- Sameer Ahmed Omar Fara para Bangladeshis manuh ke Libya te 2010 saal para illegally botai ase koishe. RAB para khobor thishe ke, Omar Fara ke dosura manuh ekta nam- -Abdul Gofran’s Paltan koikena tai para motob thishe. RAB para aro koishe ke, tai khan suspects khan logot kotha kuribo aro investigate kurikena joti aro alak manuh khan thakile thuriboli koishe. etu samay, DB team khan para most wanted human traffickers nam- Monir Hossain aro Selim Sikder ke Jatrabari chaka para thurishe. Tui jun manuh tuh human trafficking te main manuh khan ase aro tai jun oper te June 2019 saal te Motijheel police station te case be filed kurikena ase koishe. Khobor para janishe ke, Monir Hossain para Shariatpur, Madaripur, Feni, aro Tangail chaka te poor manuh logot besi target kurikena ase.