Barcelona, 13 May : FC Barcelona star Lamine Yamal Spanish title jita celebration time open-top bus parade te Palestinian flag hilaise.
18 saal laga winger, jake etiya duniya laga best football player khan majot ekjon kuina dhora jai, Monday te Barcelona laga rasta khan pora team bus jowa time flag tu dhori ase. Tai nijor Instagram account teo flag dhora photo khan post korishe.
Tuesday te Barcelona coach Hansi Flick ke Yamal laga flag hila decision bisari question bhi korise.
Gaza te war laga humanitarian toll karone Israel laga khilaf duniya jura backlash uthise, aru etu sports aru culture teo spread hoijaishe. Football, cycling aru basketball nisina sports te protest khan dekhibole paishe.
