Thailand, 14 May : Two-time Olympic medallist P. V. Sindhu aru India laga top men’s doubles pair Satwiksairaj Rankireddy aru Chirag Shetty, Thailand Open laga quarter-finals te impressive victories loi qualify korise aji.
World No. 12 Sindhu nijor bhal form continue korise, Denmark laga Amalie Schulz ke straight games te 21-13, 21-15 pora harai dise, matro 28 minutes bhitor te. Former world champion tu aggressive stroke play aru sharp movement logote pura match dominate korise. Etu agey, Sindhu Chinese Taipei laga Tung Ciou-Tong ke opening round te 21-9, 21-12 pora easily harai dise.
Sindhu quarter-finals te Japan laga reigning world champion Akane Yamaguchi logote khelibo. Dujon laga head-to-head record te Sindhu laga ekta slight advantage ase, 15-13, jun etta exciting match hobo dui experienced rivals majote.
Meanwhile, top-seeded India laga men’s doubles pair Satwik aru Chirag, Malaysia laga Bryan Jeremy Goonting aru Muhammad Haikal ke straight games te 21-12, 21-19 pora harai dise aru last eight te jaise. India laga duo tu, Thomas Cup bronze medal jitibole India ke help koria pora tournament te ahise, aru etu agey Indonesians Muh Putra Erwiansyah aru Bagas Maulana ke ekta hard-fought three-game encounter te harai dise.
Aji later bhi India laga campaign continue hobo Lakshya Sen, Kidambi Srikanth, Malvika Bansod aru Devika Sihag laga matches logote.
