Germany, 2 November : Bayern Munich toh German Cup para ulai jaishey second round dey four saal dey third par ekta 2-1 gaar piche dey third-division Saarbruecken dey Wednesday, ekta last-minute jitia Marcel Gaus para karney. Scores toh 1-1 dey thakina aro match toh extra time thakibo nishina dikhina, defender Gaus para sixth minute dey goal kurishey jokhum hua time dey tai laga team ke ekta jeet diwoley. “Kitia ekta first-division team, Bayern nishina Saarbruecken dey ahey aro harey, toh muikhan kiba ekta galti kurishey,” veteran Thomas Mueller kuishey ARD ke match piche dey.
Bayern ke Holstein Kiel para haraishey penalties dey eki stage dey three saal agey, aro 5-0 haraishey Borussia Moenchengladbach para round two dey 2021.
Itu record 20-par jitia khan toh ghor dey quarter-finals dey bhi haarishey Freiburg khilaf jaa season.
“100 explanations thakibo parey nahuiley ekta bhi nathakibo parey. Muikhan jokhum khan thakishey huilewi kunwa para kuwo parey muikhan eni jitiwo lagey” Bayern coach Thomas Tuchel kuishey.
Ekta bishi garv thakia home coach Ruediger Ziehl kuishey tai para tai laga khiladi khan ke kuishey ki Thursday laga training session toh itia “voluntary” asey.
“Juti muikhan aji khushi manianai kuiley muikhan kitia bhi manawo naparibo.”
Bayern, kun Bundesliga rivals Borussia Dortmund dey travel kurishey Saturday dey, central defender Matthijs de Ligt ke ekt serious khutna jokhum dey haarishey match laga shuruwaat dey, side ke khali ekta fit centre-back charina.
Six-time Cup winner Mueller para Bayern ke thik track dey rakhia nishina dikhi thakishey ekta routine jeet karney taikhan komti khushi paa opponents ke, De Ligt tai laga khutna jokhum nahua agey dey ekta tussle dey aro julti bench dey pathai dishey.
Itu jokhum para midfielder Joshua Kimmich ke defence dey jawoley joborjost kurishey aro Bayern ke back foot dey halia dikhishey ekta resurgent Saarbruecken khikaf.
Hosts para agey strike kurishey, Patrick Sontheimer para ekta pass tap kurina Lukas Boeder logot para, Saarbruecken midfielder Frans Kraetzig ke ekta galti kuribo dia piche dey.
Tuchel para itu calvary anishey, Kingsley Coman, Jamal Musiala aro Serge Gnabry milaina, huilewi star striker Harry Kane toh bench dey buhishey Saturday laga crunch match agey dey.
