England, 2 November : Ekta emotional Ons Jabeur kuishey ki tai laga WTA Finals prize puisa kunwa Palestinians ke donate kuribo tai laga Wimbledon final haar avenge kuria piche dey Marketa Vondrousova khilaf Wednesday dey. Tai laga agey jeet paa piche dey season-khotom hua championships laga hafta Cancun dey, Tunisia Jabeur gantia rukhai thakishey kitia dai court dey khota kuishey. “Mui jeet paa toh bishi khushi aset, huilewi aji kali mui eman khushi nai,” kuishey Grand Slam final dey bahunjia laga Khali Arabic mahila.
“Duniya dey ghatna hua para muike khushi nakurey” Jabeur halishey kitia tai suku paani girina gandishey, nijor ke compose nakuria agey dey Israel-Hamas conflict laga khota kuwoley.
“Bishi dukh asey bacha khan hotai muria laga sawoley,” tai kuishey.
“Muun bikhai, itu karoney mui faiska kurishey mui laga prize puisa kunwa motut karbey Palestinians ke donate kuriboley.”
“Itu jeet ekela para mui khushi thakibo naparibo, itia duniya dey ki hui asey. Mui maaf mangi asey, itu tennis laga huwo lagey, huilewi hotai videos khan saa toh bishi frustrating asey.”
“Maaf kuribo — itu ekta political sandesh nahui, itu khali humanity hi asey. Itu duniya dey mui shaanti lagey aro itu hi asey.”
Piche dey, tai laga post-match press conference dey, itu 29-sa Jabeur kuishey ki tennis dey muun diwoley bishi dukh thakishey.
Mui social media para paria tak duur thakiboley kosis kurey, huilewi bishi dukh asey,” Jabeur kuishey.
“Tui videos, photos khan sai sawi, bhayanak asey, biya photos hotai din. Itu para muike ghumawoley nahuilewy rest kuriboley motut nakurey aro aro sobse biya toh mui hopeless lagey.
“Puisa olob donate kuria para taikhan ke motut kuribo parey. Huilewi mui janey itia karney puisa toh itu hisab nai. Itu karoney mui sobse manu karney azzadi wish kuri asey aro sob manu karney shaanti.”
Jabeur para duniya laga number two Iga Swiatek ke final match dey harawo lagey round-robin play laga Friday dey Mexico dey semi-finals karney qualify huwoley chance karoney.
