India, 2 November : Rohit Sharma para lead kuria Indian cricket team toh khali ekta jeet pachina asey ekta semi-final berth seal kuriboley ODI Cricket World Cup 2023 dey. Itu side toh juti taikhan Sri Lanka laga khilaf Mumbai dey jitiley itu mark dey pahunjiwo Thursday dey. Rohit Sharma toh top performers maju dey ekta asey bat logot Indian cricket team karney itu World Cup dey. Tai itia tak dey 334 runs score kurishey six matches dey 66.33 laga ekta average dey. Tai laga 119.16 strike-rate toh specialist Indian cricket team batters maju dey sobse bhaal asey.
Itu sob bheej dey, Rohit Sharma para ekta muzaa sawak paishey pre-match press conference dey, Sri Lanka match nahua agey dey, Wednesday.
“Apuni nijor karney nakuria laga approach toh itu World Cup dey appreciate kuri asey, eku milestones nai, tui toh khali thik mariwoley ekela pisari asey. Power play dey bhi apuni sobse bishi runs asey. Former cricketers para kunwa suggestions dishey kuntu bhaal huwo juti apuni olob selfish huiley. Apuni deri buhibo,” Rohit Sharma ke hudishey.
Itu hunia piche dey, Rohit Sharma toh khota nathakia huishey aro two-three seconds tak karney chup hui jaishey. Tai Indian cricket team media manager ke bhi saishey jawaab ekta pisarina kitia pura press conference haansi luishey.
Huilewi, itu Indian cricket team captain para thik jawaab dishey.
“Hoi. Mui laga batting mui enjoy kuri asey. Huilewi, team laga situation muun dey rakhina, mui jaina bat ke spin kuribo lagey inika bhi nahui. Mui itu bhaal para spin kuribo lagey, bhaal para khilibo aro aro team ke bhaal situation dey rakhibo lagey. Mui laga mindset toh itu asey,” Rohit Sharma jawaab dishey.
“Kitia mui khuley, scoreboard toh zero para shuru hui. Toh ekta batsman nishina mui phabiwo lagey, mui khel karney tone set kuribo lagey. Toh, mui logot itu advantage asey nahuilewi tui itu ke ekta benefit kuwo parey ki mui batting shuru kuri asey aro wickets laga eku pressure nai kiley kuiley sob 0-0 hi thakey, toh kitia tui inika shuru kuribo lagey, tui bhui nakhai aro tui kinika khiliwo mun jai inika khiley huilewi jaa khel dey muikhan ke olob pressure andar dey hali dishey power play dey.
“Muikhan three wickets haarishey. Toh, itu khel toh podli kuri diwo lagey. Toh, mui phabna dey ekta batsman nishina mui laga focus toh team ki lagey itu dey asey. First over dey ki lagi asey, fifth over dey ki lagi asey, tenth over dey ki lagi asey. Team laga score kiman asey, taikhan kiman runs khitai asey, maati dey score kiman bhaal asey?”
“Itu sob chee. Mui bat kuri thakia homoi mui itu sob phabna kurey. Toh itu time dey ki lagey, mui itu hisab dey khiliwoley kosis kurey.
