Germany, 22 April : Bayern Munich para late German football legend Franz Beckenbauer ke ekta statue para honour kuriboley asey Allianz Arena home ground laga bahar dey, ekta club supporters foundation para Sunday dey janai dishey.
Beckenbauer, all time laga sobse bhaal khiladi maju dey ekta kuina consider kurina, January dey 78 laga umar dey muri jaishey.
‘Der Kaiser’ laga statue toh former teammate aro Bayern striker Gerd Mueller logot thakibo, kuntu September dey unveil kurishey.
Mueller, kun itia tak Bundesliga goalscoring record ke hold kurey, August 2021 dey 75 laga umar dey murishey.
Kurt Landauer Foundation, former club president karney naam dina, kuishey itu statue toh bronze dey cast kuribo aro German football legend laga 1.5 times dangor thakibo — 2.7 metres nishna lamba.
Munich dey jonum huina, Beckenbauer para Bayern karney 13 saal khilishey, Champions League, Bundesliga aro German Cup bishi par jitishey, kuntu piche dey itu club ke success dilai dishey.
International level dey, Beckenbauer para Germany logot ekta khiladi aro ekta coach nishna World Cup jitishey aro Ballon d’Or tuibar jitia khali defender asey.
Beckenbauer toh itu Allianz Arena panawoley dangor role thakishey, kuntu 2006 world cup laga thik time karney khulishey, kuntu Germany dey host kurishey.
Itu project khotom huwoley 18 mahina luwoley expect kuri asey aro Beckenbauer laga khantan aro Bayern Munich laga support asey.
Add Comment