Chennai, 23 April ; India laga D Gukesh will para reigning world champion Ding Liren ke itu saal November-December tak dey World Chess Championship dey samna kuribo.
Itu toh Emil Sutovsky para janai dishey, FIDE laga CEO, chess laga global governing body, social media dey, itu Chennai laga 17-saal Candidates tournament Toronto dey jitia piche dey, ekta prestigious eight-player event kuntu world champion dey challenger ke handpick kuriboley thakey.
Itu contest laga jagah toh itia tak confirm huanai.
Itu jawaan Gukesh para stalwarts laga ekta troika agey jaishey : America laga Hikaru Nakamura, aro Fabiano Caruana aro Russia laga Ian Nepomniachtchi, Monday dey Candidates winner huwoley. Kitia Nepomniachtchi toh ekta two-time World Championship contender asey, World No 2 Caruana toh tai laga fifth Candidates event dey contest kuri thakishey, kuntu tai ekbar jitishey. Itu homoi, Nakamura, World No 3, tai laga third Candidates event dey compete kuri thakishey.
Gukesh toh India laga sobse jawaan grandmaster huishey 12 saal, seven mahina, 17 din laga umaar dey, duniya laga sobse jawaab tag khali 17 din para miss kurishey. Jaa saal, tai five-time world champion Viswanathan Anand ke overtake kurishey aro 36 saal dey agey par karney desh laga top ranked khiladi huishey. Itia, tai laga impressive list dey sobse jawaan Candidates winner huina notun feat halishey aro kitia tai itu saal World Championship dey Ding logot ladai kuribo, sobse jawaan World Chess Championship contender huwo.
Add Comment