Headlines • Nagaland

BEFR suru koribo nemide gara system lagi ase: NTC

April 16, 2019
22 Views

Dimapur, April 15: Nagaland Tribes Council (NTC) para Dimapur area deh illegal ahhai thaga toh control koribo nemide gara system lagi ase koise.

NTC para kowah toh, Dimapur toh tusara district deh be illegal immigrants phelija junction hoise.  Etu para Dimapur toh BEFR Act, 1873 para free hobole napari.

State deh BEFR aro Foreigner’s Acts toh gara para aro phal para suru koribo nemide NTC para Nagaland Indigenous Inhabitants Notification No. AR-8/8/76 dated 28th April, 1977 pethor deh ‘Administrative Enumeration of Indigenous Population toh joldi suru koribole koi ase.

Indigenous population list toh real-time data thek para rakhibo nemide aro issue one time 
indigenous certificate debo nemide lagi ase aro etu toh sob succeeding indigenous registration debe basis bonabole ase.

 Etu para state laga aboriginal communities aro individual domiciles  debe phal para janibole ase.

Identification nemide aro BEFR Act, 1873 aro tusara related Acts deh phal para operate koribo nemide  Standard Operation Procedures toh lagi ase.

NTC para be ILP logode electronic devices toh lagi ase koise. Kelay koile permit holders deh sai thakibo nemide aro mesha-meshi jola debe bandh koribo nemide. Sob entry points deh phal facilities thaga check points bonaile phal ase koise. Kelay koile agiya naloi kena ahha-jowah kori thaga khan ke sabo nemide.

Consistency thek para rakhibole laga opor deh NTC para kowah toh, Home Department pethor deh permanent cell toh lagi ase. Etu toh sob system deh control koribo nemide aro saijabo nemide aro enforcement agencies laga personnel logodebe training debole paribo nemide.

State Government para BEFR(ILP)  opor deh ekta committee bonabole thek fesla lowah ke kushi pai kena NTC para be committe deh Abhishek Singh para head korikena ektum dukh korise dekhise aro 2019 agae moina time deh State Government logode report aro recommendations deya be dekhishe.

JCPI logodebe committee deh phal para kaam korikena lagi thaga sob chese aro logistic suppot deya aro State deh indigenous population issue toh saija nemide ektum kushi powah janaise.

State Government logode committee para recommendations deya ke deri nakorikena joldi koribole koi kena, etiya political para ami khan laga identity, rights, culture aro privileges deh bachabo koise.