15th April 2019 deh Lokayukta awareness program toh Deputy Commissioner Dimapur laga conference Hall deh loise.
Lokayukta of Nagaland, Justice Uma Nath Singh para Lokayukta Act laga fundamentals highlight kora thakise aro tai para be Lokayukta pethor deh complain file koribo nemide kotha kowah thakise. Tai para be sob members khan logode corruption deh fight koribo nemide thek para kaam kora karni ektum kushi powah kotha janaideya thakise.
IGP and Director, Lokayukta, Police, I.Meyi Onen para key note address deh kowah toh, the special feature of Nagaland Lokayukta Act 2017 toh prosecution sanction deh dekthari pai thaga laga ase aro Lokayukta cases par saija tak etu toh State government logode lamba din nathakibo.
Lokayukta Act bona bechide investigation pethor deh thaga sob case toh Lokayukta deh transfer hoise. Lokayukta toh Act laga section 26 deh ase aro etu toh prosecution sanction deh issue koribo nemide ase. Tai para be kowah toh, Lokayukta para criminal investigation deh saija tak Directorate of Investigation’s legal Authority nahoile operational effectiveness deh komchor nahobo lagi.
Administration deh corruption aro Mal- administration para effect hoi kena Meyi para kowah toh, citizens deh besi affect hoi thaga toh Lokayukta para joldi saijai kena fesla koridebole biswaas kori ase.
UPA Lokayukta, Mayanglima para bhabona kora toh, manu khan hesha lowah para corruption toh namibole aro Lokayukta toh phal hobole bhabona ase.
Programme deh DC Dimapur thakise aro HODs, administrative officers, NGOs, law students aro tusara khan be programme deh ahha thakise.
Add Comment