Bengal te Trinamool Leader logot goole para morishe

Barrackpore: West Bengal’s North 24 Parganas district te Trinamool youth leader ekta ke nejana manuh para goole marikena moraishe, etu hatsa te 5 jun manuh ke thurishe, koikena Saturday din police para janaishe. Trinamool para koishe ke, etu kam toh BJP laga hath ase, hoilebi BJP para janai deya toh State te ruling party logot larai kora samai mora ase. Ranajoy Kumar Shrivastava (33) umer toh Khardah assembly seat Kajal Sinha para kamyaab paikena COVID-19 bemar para mori –jowa laga besi bhal sathi thaka ke Sandhya Cinema B T Road osor Khardah police station osor te thaka toh Saturday din goole para morishe, etu samai tai toh tai laga gari para ghor wabas jai thaka samai thakishe, koikena khobor toh officer para janaishe. Konuba najanai manuh para Mr Shrivastava laga gari toh rokaishe aro bomb pelaikena gooli marishe. Tai toh TMC’s youth wing pithor Hindi cell chief thakishe, tai para aro janaishe. Mr Shrivastava ke osor jaga hospital te loikena jaishe, hoilebi aro Kolkata te dosura medical te loikena jowa samai rasta te morishe, koikena officer para janaishe. TMC North 24 Parganas chief Jyotipriyo Mullick para koishe ke, etu kam toh BJP para plan korikena tai ke hamla koro ase, aro etu jaga te ruling party workers khan oper te phui hoishe. Assembly laga TMC chief whip aro Panihati MLA Nirmal Ghosh para koishe ke, BJP workers para Shrivastava ke morai deya ase, keli koile tai para state te etu saal election akhe te BJP para olaikena ruling party te samil kora nemite ase. Etu kotha toh putnam korikena Barrackpore’s BJP MP Arjun Singh para koishe ke, Shrivastava toh ketai be BJP laga member thakai nai aro tai mora toh hoile “extortion te samil hoikena larai kora samai mora ase.” Tai para janaishe ke, etu hatsa te 5 jun manuh ke thura toh TMC laga members ase aro Ghose laga osor manuh ase. Mr Shrivastava para Sinha logot besi mon thikena kam kori thakishe, hoilebi tai election kotom hoikena counting akhe te COVID-19 bemari para mori jaishe koishe.