New Delhi: Andhra Pradesh laga East Godavari district te ekdam rati te chuli thaka train laga pantry te jui lagishe. Staff khan para pantry gari toh alak kuri dishe. Etu nimite jui toh train laga dusra bogies te spread kura nai. Etu ghatna para manu khan jokom huwa eku khobor aha nai.
Jui toh kenika lagishe etu toh etiyua tok bhi janibole para nai. Jui toh pantry te 2am te lagishe.
Yesvantpur-Tatanagar Superfast Express laga pantry gari toh jui te pura khotom kuri dishe. Pantry toh alak nokura agote train te thaka staff khan jui toh namai dibole kosis kurishe. Hoile bhi tai khan jui rukhabole para nai.
South Central Railway spokesman para news agency IANS ke khobor kurishe ke personnel khan para jui toh notice kura logote he train toh immediately rukhai dishe. Overhead power supply bhi etu samay te bon kuri dishe.
Train toh Karnataka capital Bengaluru para Jharkhand laga Jamshedpur te jai thakishe.
Duita directions te jai thaka trains khan ke rukhai dishe. Etu rukhai diya nimite Vijayawada-Vizag sector trains khan toh delay hoishe. Hoile bhi deri nohoi kena train services toh dubara suru kuri dishe.
IANS khan para deri huwa trains khan laga list dishe Secunderabad-Howrah Falaknuma Express, Yesvantapur-Howrah Duronto Express, Tirupati-Puri Express, Hyderabad-Visakhapatnam Godavari Express, Chennai Central-Puri Express, Secunderabad-Visakhapatnam Duronto Express, Secunderabad-Bhubaneswar Visakha Express.
Add Comment