February 06: Manu khan ke bhoi khela laga khatna ekta Assam te howa te, ekta besi nije te pora oriya army chopper(helicopter) pora dosta nisina ghor laga tina aro diwaar biya kori dise.
Ekta Indian Army helicopter toh Tuesday te manu khan ke bhoi khelaise kile koile besi nije te orikena Galeki laga Nazira te ghor laga opor te konoba minutes karne thakise.
Etu khatna toh din te hoise. Etu jakka laga osor te thakiya manu khan pora dekhise ki ekta chopper besi nije orikena ekta jakka te 3-4 minutes nisina konoba feet ghor laga opor te thakise.
Etu chopper ekta jakka te enika thakiya khatna pora manu khan ke bhoi khelaise aro tai khan etu jakka pora bolai kena jaise.
“Moi khan phabise ki etu chopper kiribole ase aro sob manu etu jakka pora besi door bolaibole kosish korise,” Manu khan pora koise.
Bosti manu khan pora India Army laga etu harkat logote khilaf FIR file korise. Gopal bhal pora bosti manu khan ekjun bi jokhom powa nai. Ghor khan laga konoba diwaar aro tina toh kirise aro electricity services biya korise kile koile besi jor hawa karne. Etu bi khobor korise ki etu officer laga papa, etu bosti te jaise aro khatna logpowa ghor manu khan ke poisa dibo karne bosti manu khan ke wada korise.
Indian Army pora etu nisina zimmedari nalowa laga kam koriya pora sob manu pora bodnam korise.
Add Comment