AIZAWL, February 5: Ministry of Home Affairs Monday pora Lalnunmawia Chuaungo ke Mizoram laga notun chief secretary karne bonaise, official khobor te koise.
Chuaungo, 1987 batch laga Gujarat cadre IAS officer pora Arvind Ray logote podli korise, khobor te koise. Ray ke Delhi te transfer korise, etu bi koise.
Chuaungo, jowa saal Mizoram Assembly election laga aage te Home and Finance department laga principal secretary thakiya samoy te former state chief electoral officer S B Shashank pora tai ke bodnam korise ki election process te diktari diye ase koikena, etu pora Election Commission proa Chuaungo ke Delhi te transfer korise.
CEO pora etu kadam lowa pora civil socities khan besi dangor protest korise aro Shashank ke hataidise.
Chuaungo ke election khotom howa bicche te phat Mizoram te wapas transfer korise.
Add Comment