January 08, 2023 : Bhandari Sub-Divisional Planning and Development Board (SDPDB) meeting thakishey ADC’s conference hall, Bhandari para 8th January 2024 tey.
Meeting tey discuss kurishey Mitchu Yan village formation laga recognition karney. Secretary, Core Committee informed kurishey ki Itu bosti toh hoiley 1974 para established hoishey aru necessary documents khan toh Home Minister ke submit kurishey. Itu bosti laga recognition nakura akey tey itu bosti toh hoiley NOC aru clearance kuribo lakey, Committee para resolution passed kurishey Yanmhon village ke adopt kuriboley ’SDPDB Aspirational Area’ koikena itu financial year karnrey.
Itu meeting tey, Achumbemo Kikon para tai laga commitment manu khan ke serve kuriboley karney koishey aru tai highlight kurishey special focus, education, health aru road sector tey teboley. Tai koishey ki special focus toh identified aspirational area kotey 17 villages asey aru tatey economic potential aru manpower resources asey tatey tebo lakey. Tai para aru encourage kurishey officers aru departments khan ke village councils logo miliboley itu kura homoi tey growth aru development anibo.
Government financial schemes aru policies itu educated unemployed youth khan karney kotha kura homoi tey, tai khan emphasized kuruishey awareness banaboley Bhandari laga educated unemployment youth khan ke motivate aru encourage kuriboley itu opportunity laga advantage loboley karney. MLA para urge kurishey Wokha tey lead bank m,anager khan ke Government’s guidelines hesab tey beneficiaries laga selection kuriboley.
Meeting tey Additional Deputy Commissioner Bhandari, Longdiba L. Sangtam aru officers notun appoint kura khan kushi para Bhandari Sub-Divisional Planning and Development Board (SDPSB) tey welcomed kurishey.
Add Comment