Bhopal te Covid bemar maiki raped korishe

Bhopal: Bhopal government hospital te coronavirus bemari maiki ke male nurse para raped korishe aro 24 gonda pithor te etu maiki toh morishe, koikena Thursday din police para janaishe. Etu khobor toh suspect ke thura beche 1 moina neshina thakina public logot janai ase. Etu 43 umer maiki toh Bhopal Memorial Hospital aro Research Centre te April 6 darik te admitted korishe. Tai para etu kotha toh doctor ekta logot manuh ke toh janaikena statement te complained korishe, koikena police para koishe. Khobor para koishe ke, etu beche tai laga halat toh beya howa nemite tai ke ventilator te shifted korishe, hoilebi maiki toh etu eke din sham te mori jaishe. Nishatpura Police Station te case registered korishe aro Santosh Ahirwar, 40 umer ke thurishe. Tai ke Bhopal Central Jail te rakina trail roki ase koishe. Senior police officer Irshad Wali para koishe ke, etu manuh para police ke application te kowa toh tai laga identity lokaina kaun logot be janai natiboli koishe. “etu nemite khobor toh kaun logot be share kora nai, kali investigating team para jani thakishe,” tai para koishe. Khobor para koishe ke, etu manuh para olop din akhe te be 24 umer staff nurse ke sexually assaulted korishe aro tai kam te modu kaina thaka nemite suspended korishe. Etu mora maiki manuh toh 1984 saal laga Bhopal gas tragedy te pachai manuh thaka nemite, tai laga ghor manuh khan para authorities oper te tangor letter lekishe.